ههههههههههههههههههههههههههههههههههههآآآي وقسمن إني طالع وفاطس ..~

فاتكم ( اليوم الثلاثاء26/1 – 11/1/2010 أشتهيت حلى كذا بقلاوة , بلح الشام , كيك , المهم أنه حلى ,,~

رحت قلت لخيتي قلت منوووورتي مشتهي شي حالي سوي كيكة , قالت سو أنت قلت طيب طيب أنا أعلمتس يالدوبا وش درى أمّن جابتني عن مقاديرها؟

قالت الله يخلي النت ابحث فيه قلت أوكي أوكي والله و أسويها هووووع طيران ع الابتوب و أدخل النت و أحوس و ألقى المقادير ترى ماعفست المطبخ وكبكبت الدنيا

وش سوّى أسوم؟ أقول لكم وش سوّى <~ يسولف على نفسه خخخخخخخ

بعد ماكتبت المقادير في دفتر شخابيطي اللي قدام خشتي  مابقى فيه شي ماكتبته بذا الدفتر معي بالخرابيط و بالمذاكرة و بكل شي <~ أخلص بس

المهم طسيت المطبخ وغسّلت الأدوات اللي بستخدمها, رحت طلعت كاسين و صحنين واحد أخفق فيه البيض و السكر والزيت و الثاني فيه الطحين و البيكينغ بودر و

( الحليب  ) و ملعقة الخفق <~ ترى غير اسمها هههههه قال خفّاقه أجل  <~ وأنا صادز خفاقه يعني تخفق البيض و الخليط وهيك إشي , وطلعت ملعقة و الصينية و أغسلهم كل أبوهم 

أدري بتقولون وش عنده حاط الحليب بين قوسين شمعنى يعني؟!  صبر صبر جايكم سالفته البايخه خخخخخخخخ

فتحت الثلاجة و أخذت  4 بيضات  وتشراااخ طاخ كسّرتها و حطيتها بالصحن الأول وقعدت أخفق فيه

بعدين جبت الكاس و أقول كم كم إي كوب ونص سكّر و تش تش طبش <~ مسوي يعني أصوات الششمه السكّر وهو ينحط بالكاس و يكبّه في الصحن <~

وأقعد أخفق لين تماسك و أجيب الكاس مره ثانيه و أحط نصّه زيت و تشاخ في الصحن و لق لق لق لق لق قعدت أخفق <~ بيتسطر على النهاية و البداية و أذكركم هع

طيب خلصنا من ذولي <~ مابغيت

رحت للصحن الثاني من زود الفلاحة والله و أحط فيه كوبين طحين ماحطيت الا كوب ياربي وين الطحين و أحوس و ألقاه مدسوس ورااا في الدولاب المهم قضينا منه و أجيب ( الحليب ) و أحط كوب

انجين بعدين طسيت مره ثانيه أدور ع البيكينغ بودر و لقيته  وأحط ملعقة بيكينغ بودر , سألت منوّر فيه فانيليا قالت لا قلت طيب قالت موب لازم قلت أوقي أوقي و ش سويت ياربي أممممممممم أي أي ذكرررررت خطلتهم بملعقه و قلت بسويها بالشوكولاته و أحط 3 ملاعق بودرة شوكليت  وخلطتها لحالها و أناظر في الصحنين و قلت والله من الوهقه وش سويت أنا! وأشوف الششمه ذا الطحين والسكّر و الككاو يتطايرون <~ أنا قايل وجهك موب وجه مطبخ لاتسوي فيها مره ثانيه و تحوس وتسوي شي لحالك

قلت وهقاااااااااااااااااااااااااه طيب طيب خل نتصرف و أجيب الخليط الأول و أصبّه على الطحين وذا همّن ياربي <~ ياويلي على هالكلمة خقيت متعووووووووبه عليها خخخخخخخخخخخخخخخخخخ

 المهم وأخلط ياربي أشوف الخليط صار كأنه عجينة كل شوي تتماسك أكثر وتصير ثقيلة وش أسوي قلت أصب عليها مويه ولا أخليها تسذا !!

 وش أنا مسوي ! وش خربطت فيها قلت أكيد فيه شي غلط إلا على دخلة منوّرتي قلت لها جابتس الله تعالي تعالي شوفي وش صار قالت وش أنت حاط قلت حطيت هذا ومقداره كذا و هذا ومقداره كذا يوم وصلت للحليب قالت أي حليب إن شاء الله بودرة! قلت هالله هالله قالت وهي مطيره عيونها فيني و إن شاء الله كم حطيت؟<~ بلع العافيه وقتها  

قلت هاه كوب واحد قالت وجججججججعععععععع والله لو انه وشو قالت كوب سايل ولا ملعقتين ثلاث بودرة قلت وأنا وش دراني طيب لا اللي مكتوب سايل ولا بودرة وأنا جا على بالي بودرة وحطيت قامت زادتها مويه وقعدت تخفق قالت غسّل الصينية و ادهنها قلت هذي هي جاهزه <~ مضبط كل شي الرجال

 طلعت من المطبخ قلت أصبهاااااااا؟ قالت وش رايك ؟ قلت طيب لاتطقين , رششش عليها سكّر , طيب

وأصب الخليط في الصينية و أواسيه و أرش عليها سكّر و أحطها في الفرن <~ حس انه يقول سالفة على غير سنع , مسوي تدوينه على الفاضي وش علي منكم هاه هاه أهم شي اعتبره انجاز لأني ولأول مره أسوي شي في المطبخ لحالي لا لا صح إلا المكرونة أمس بعد سويتها لحالي صح وسويت مكرونه بالدجاج المفروم قبلها , المهم اني أعشق المطبخ و حوسته ودي يكون لي مطبخ وأسوي فيه إللي أبيه و أتفنن فيه و أطلع المواهب<~ قال مواهب قال

لا والله صدز انه عشدز من الطفولة من يومني يرقه وأنا أحب ادخل المطبخ و أحوس مع أمي وأساعدها وأتعلم منها وش وراي , لين كبرت الحين وصرت حشره و صرت أساعد وخيتي برمضان و أطبخ معها حتى إن شغالتنا قالت

( موشولاااه موشولااه = ما شاء الله ,

هادا بي اتنين هورما مايسوي شوقول كاميل = يعني وهم حرمتين وهم ثنتين وماقاموا بشغل المطبخ كلّه ,

أوساماه بي سوي شوغول ريجال بي سوي مطبخ = اسامة يشتغل في المطبخ و يطبخ معنا

يعني عشاني رجال يعني مستنكره تشوفينها مني يامال اللّي! جعلتس بالمنيب قايل ,

موشوولاااه مووشوولاااه = سبق ذكر معناها ). 

المهم انه انجاز بشهادة أمي  وأختي إيه نسيت <~ وجع طالت السالفة كل ذا عشان كيكه!!

كل شوي قايم خايف تحترق الكيكة مالها داعي من أول مره و أحرقها تراها كيكة يعني لو حرقتها بحرق أي شي, شيّكت عليها مرتين و أطس لمنورتي أقول لها الكيكة انتفخت , قالت أوما انتفخت! أتحداك قلت وقسم , قالت ايه طيب , وأطس حمّرت الجهة العلوية و طلعتها من الفرن و على طول قبل ما أذوقها قطعت قطعتين وأشيلها بيدي و أروح لأبوي كان قاعد في الصالة مديت له قطعة و عطيت منوّر قطعة قلت هاه وش رايكم 

<~ مستعجل على الراي مابعد ذاقها بيشوف شلون

قالت لي منور منييييييييييب ذايقتها ذقها أول أخاف تطلع بايخه قلت طيب وألتفت لأبوي وأقول هاه وش رايك بكيتي هز راسه وهو ياكلها يقول أوه أوه حاره حاررره

<~ فيس شيطوني نيااهههااااااااااااا

 قال بقّوا منها لاتخلصونها أبو فلان بيجي المغرب و بذوقه قلت وأنا أضحك ههههههههاااي طيب بالله وش بتقول له أجل بتذوقه؟ بتقول هذي الكيكة مسويها ولدي أسامة؟

ههههههههههههه قالت منوّر لا لا قل له هذا شغل بنتي أسامة هاه

 ضحك قال لا صدز خلوها قلت ياويلك لو تقول له إني مسويها قال لا بقول له شغل البيت قلت ايه طيب نشوووووووف وش تقول له

 طسيت للمطبخ و قطعت لي قطعه وذقتها قلت ناقصها سكّر ولا شرايتس يا أوختشي العجيجة؟ قالت ماذقتها ياويلك إن كانت بايخه قلت لا لا ذوقيها ذوقيها , ذاقتها قلت هاه ؟ قالت عليكم حليب! انتوا وذا الحليب الخايس اللي يجيبه أبوكم 

قلت المهم النتيجة كيف؟ زينه ؟ قالت اييييييييه حسيتها من غير نفس قالت وجع أنا عجزت أضبطها ماتنتفخ معي زي كذا وأنت من أول مره! قلت وجععععععععع اذكري الله

وأطس أنادي أنوس و أذوقه قال وش ذا قلت يابوي بنقالي عندك أنا والله لو انك وشو مسوي يعني كأن مالك نفس ماتبي تاكل هاه أبو البنقله إللي فيك ياشيخ قلت خذ ذقها قال متفوخه قلت لا بالله! وش تبيها يعني ؟ ناشفة زي البسكوت ولا زي التميس؟ وخر بس

 طفحها قلت هاه وش رايك؟ قال مابي أحطمك هي زينه بس فيها طعم! قلت أحلف بس! فيها طعم؟! قال ايه فيها طعم قلت سبحان الله توي أدري ياشيخ قالت منوّر لا لا تحلف إن فيها طعم ياخي سبحان الله جديدة! 

قلت طس بس أحمد ربك اني مسوي شي , أهم شي أني سويت شي ماعلي فيكم هع

<~ وخر يالواثق 

هذي صورة الكيكة <~ مابعد حطها قاعد يدوّن في الوورد و يقول يارب محد يجي الكيكة مابي اقطع منها شي إلا لين جا خوي أبوي عشان أصورها و أنزلها <~ فيس يبتسي

كان ودّي أمي معنا  و أذوقها كيكتي

<~ أزعجتنا أنت وكيكتك 

يلا و جاء المغرب و قلت لأنوس يودي لهم التسيتسه طبعا بعد ما رشيت عليها شوية جوز هند و قعدت أعصّر في علبة الهيرشيز  يالله يقوطر  <~ برا تكفى  

ذوقت أخوي حموّدي وقال حلووووووه عجبته قلت صدز؟ قال إي وقسم حلوه أبي ثانية وعطيته قطعتن تسبيرتن بالحيل <~ كف تكفون 

يلا أخليكم مع الصور  اللي تحوّم التسبد